Tæknileg mistök

  Veröldin er furðulegt fyrirbæri.  Margt sem fram fer í henni má flokka sem tæknileg mistök.  Annars finnst nú flestum nóg um notkun á þessu orðapari; tæknileg mistök.  Þar sem þau hafa verið notuð um allt og ekkert, síðan ummælin urðu heimsfræg á Íslandi.  Ég er hins vegar þeirrar skoðunar að notkunin sé hvergi nærri næg og því fer fjarri að hún sé á undanhaldi.  Enda er hér komið fram eitt mesta orðatiltæki hina síðari áratugi.  Málshættir og orðatiltæki gefa tungumálinu okkar gildi, og þegar fram kemur slík snilld er tilefni til endurútgáfu bóka um slík efni.  Þetta gæti t.d. litið svona út:
  Tæknileg mistök  Geysileg afglöp í starfi, þar sem siðleysi, siðblinda og ýmsir aðrir neikvæðir eiginleikar stjórnmálamanna birtast í síbrotum þeirra á tímabili sem þeir lenda í.  Orðatiltækið er svo upplagt að nota þegar sami aðil ætlar að trana sér fram á nýjan leik, eftir að hafa tekið út sína refsingu.
  Pæliði í því að maðurinn heldur að hann sé búin að taka út sína refsingu, bara af því að það stendur hvergi í einhverjum samþykktum um að svona gaurar eigi ekki afturkvæmt í pólítík.  Allir neikvæðu eiginleikarnir er allsráðandi ennþá og hamla manninum greinilega sýn, enda er framferði hans að skemma fyrir hans gamla flokki.  Eiginhagsmunirnir eru í hávegum hafðir, alveg sama þó það muni skemma fyrir öðrum.  Ósvífni og ekkert  annað.  Það auðvitað verður að stoppa þetta rugl, áður en það er orðið of seint.  Þá er löngu orðið tímabært að setja reglur sem lúta að hæfniskröfum alþingismanna.  T.d. væri þetta ágætis byrjun:
1.  Frambjóðandi má ekki hafa hlotið dóm sem hefur komið honum í "betrunarvist."
2.  Frambjóðandi þarf að hafa háskólapróf frá viðurkenndum háskóla.
3.  Frambjóðandi verður að hafa gott vald á ensku.

Hvað væru margir eftir ef þessar reglur yrðu keyrðar í gegn núna?

Athugasemdir

[Mamma/amma (IP-tala skráð) 11.12.2006 kl. 23:31]

Ég er alveg sammála fyrsta "inntökuskilyrðinu" hjá þér, Jonni minn - en set spurningarmerki við hin tvö. Heilbrigt brjóstvit venjulegs fólks - sem hefur báða fætur á jörðinni og ekki lætur glepjast af kenningafarganinu sem sífellt dynur á almenningi getur verið gott mótvægi við viðhorf sem verða til innan veggja, jafnvel virtustu, stofnana. Viðhorf beggja verða að eiga sér málsvara - en þeir verða að standa klárir af fyrstu reglu!!!

Mér þykir afar vænt um að heyra fréttir af ykkur hérna og fylgist alltaf með á síðunni þótt ég kvitti ekki fyrir mig nema sjaldan. Haltu þessu áfram!

Bestu kveðjur af Hólmagrundinni á Fífuvellina og knús til krílanna minna frá ömmu.