JEL

Ég er nú hræddur um það.  Greindur með vanvirkann skjaldkirtil.  Þetta skýrir að öllu leyti undarlega hegðun undanfarin ár og ýmislegt annað sem ég nenni ekki að fjalla um.  Enda getur maður ekki verið að blogga daglega, þó stundum sé það raunin.  Alla vega þá er hægt að lesa sig til um þetta frekar á netinu, t.d. hér eða þar.  En í stuttu máli er þetta þannig að heilinn sendir TSH (boð eða hormón) til téðs kirtils sem á að framleiða tyroxin.  Það viðheldur æskilegu jafnvægi ef allt er skv. bókinni.  Þar sem ég er með vanvirka framleiðslustarfssemi vantar alveg þetta tyroxin, en ofgnótt er af TSH samkvæmt nýjustu mælingum.  Lausnin er að taka inn eina litla pillu á dag þar til dauðinn aðskilur okkur og málið er dautt.  Slík er allavega kenning doktorsins...

Ég var búin að henda hér inn gríðarmiklu jólabloggi um daginn, en það komst ekki alla leið því ég með klaufagangi missti það frá mér.  Náttúrulega rugla að skrifa beint í blog kassann, rak mig í enter eða eitthvað og textinn gufaði upp… Óþolandi.
Allavega í stuttu máli þá snérist færslan mest um það að við áttum hér meira gleðilegt gubb en gleðileg jól.  JR fékk einhvern skít í sig á aðfangadagsmorgun og vökvaði fótlegg Hilmars afa síns allhressilega í borðstofunni um morguninn.  Þá kom möndlugrauturinn í hádeginu með tilheyrandi listarleysi JR, en amma Unnur náði möndlunni og fékk að launum súkkulaði-eitthvað og það sem er meira um vert þá gætti JR jafnræðisreglu stjórnarskrárinnar og gusaði yfir ömmu sína líka.  2-0.  Núna þurfti JEL bara að ajaxa stólana, veggina, innréttinguna og gólfið í eldhúsinu.  Þá var hafist handa við humarsúpuna og JR var nú orðin miklu hressari og sá sjónvarpsefni á meðan við elhúsuðum.  Einhvern tíma í milli tíðinni kom Eggert með sitt staðlaða og vænta gubb líka.  Ilmurinn í eldhúsinu fór skánandi eftir því sem vænta mátti af starfi manna þar, en skyndilega varð hann allt annað en lokkandi þar sem frumburðurinn hafði nú skreytt sófasettið í anda dagsins, 3-0.  Hún sofnaði nú fljótlega eftir síðustu hreingerningu dagsins og vaknaði aftur í humar/ajax súpunni en tók þó vatn og brauð fram yfir hana, enda kristilega uppalinn.  Allir voru þó við hestaheilsu í aðal- og eftirrétti.  Og þegar kom að því að skoða í pakkana var ekki að sjá að neinn hefði verið slappur fyrr um daginn, enda jólin loksins orðin gleðileg en ekki ógleði leg…

Framundan er að finna sér eitthvað að éta og glápa svo á skaupið.
Gleðilegt ár !

Þegar ég var lítill patti hvíldi mikil leynd yfir ýmsu varðandi jólahaldið, t.d. pukur með möndluna og pakkana.  Nú horfir þetta öðruvísi við þegar maður er farinn að vasast í þessu sjálfur.  Ég hélt að dulúðin væri minni, og maður gæti þannig talað um gjafirnar og keypt eitthvað sem fellur í kramið.  Þá er einnig gott að hafa tímann fyrir sér, en ég er t.d. búin að verða mér út um gjafir handa öllum sem á að gleðja í ár.  En samt ekki, því ég er búin að kaupa eina gjöfina tvisvar og á hana samt eftir!  Gamla dulúðin er ekki eins skemmtileg og áður var, en það skal tekið fram að búið er að taka báðar þessar "gjafir" í notkun á heimili okkar.  Önnur er mikið þarfaþing og hin er mikil heimilisprýði, en hvorug kvalifiserar sem jólagjöf ...
Þannig að þá er lítið annað eftir en að fara kaupa eitthvað fallegt, pakka því inn og fela það til jóla.

JEL

Þetta er auðvitað snilldarmynd sem ég fékk "lánaða" frá 365.  En þarna er aðal b-fólkið að leita að kökunni sem var keypt fyrir stórafmæli flokksins.  Hún er auðvitað pínlega lítil fyrir stórafmæli, en í miklu samræmi við fylgi flokksins og hefði varla verið nothæf í meðal skírnarveislu í norðvesturkjördæmi...  Svo er vatn með í boði hússins... Þá er gerð tilraun til að flikka uppá flokkin með nýju logoi, allt er nú reynt í þessum bransa.  Maður hefði haldið að svona lagað væri eitt það síðasta sem gert er til að eig(n)a sér, tja eigum við að segja framhaldslíf ?
En logoið er töff og lýsandi, en þar renna maður og B saman í eitt.

	Framsóknarflokkurinn 90 ára í dag; fylgið sjaldan minna
Ábyrgðarmaður færslu Tilkynna um óviðeigandi tengingu við frétt