Sýnishorn af vetri

Snjókorn féllu í nótt.  Þegar við vöknuðum í morgun voru allar rúður hrímaðar og hvít snjóslykja yfir nánasta umhverfi og líklega rúmlega það.  Mjög kuldalegt um að litast og fréttir bárust af illviðri,  ófærð á höfuðborgarsvæðinu og útköllum björgunarsveita  Jonni og Jóhanna Rakel klæddu sig upp í sitt hlýjasta púss og örkuðu út í veðurhaminn, sem var nú reyndar gengin niður.  Við ætluðum aldeilis að vesenast á snjóþotunni í öllum snjónum sem hafði kyngt niður.  Fyrir utan nokkra smá skafla hér og hvar, var göngustígurinn auður inn á milli.  Þannig að fréttir af ófærð voru sannar af smábílum á sumardekkjum, en að öðru leyti ýktar.  Til dæmis eru allar helstu götur orðnar auðar aftur núna yndir kveld. Svo minni ég á glæsilegt myndskeið af ungunum okkar hér á síðunni.

Prison Break í Reykjavík

Það er ekki nema tvennt um að ræða í þessu tilfelli.  Annað hvort er viðkomandi búin að horfa of mikið á sjónvarp á Hrauninu eða þá að kauði sé að fara taka þátt í prófkjöri um helgina ...

Lýst eftir strokufanga í Reykjavík

Ein svakalegasta verslunarmannahelgin ...

Þetta hefur verið geysilega erfið helgi, hún er sem betur fer búin.  Fyrir því eru ýmsar ástæður en fyrst ber að telja almennt svefnleysi, engin dagblöð, ekkert sjónvarp, búið að æla yfir mann allan (oft), fengið á sig kúk og piss, búið að brjóta gleraugun mín og bjórinn búinn.  Þetta fékk ég allt saman án þess að greiða nokkurn aðgangseyri, en því frátöldu og ef samlokan með osti sem ég fékk mér í gærkvöldi hefði kostað 1500 kall, hefði þetta verið alveg eins og á Þjóðhátið.  Ég legg til að þessi helgi verði lögð niður eða bönnuð.  Þvílíkt bull

Eggert Aron J Levy

 Skírt var á Fífuvöllum í dag.  Eggert Aron heitir kappinn og er hann fimmti Íslendingurinn sem ber þessa tvennu.
 Öfugt við aðdraganda fyrstu andardráttanna var þetta frekar erfið fæðing.  Þegar ég náði í kökuna í morgun kom í ljós að eini gaurinn sem fékk að vita nafnið fyrirfram hafði ekki áhuga að gera sér mat úr upplýsingunum.  Ómerkt kaka og bakarinn farinn heim að sofa.  Þetta bjargaðast þó allt saman, með því að tala smá íslensku við afgreiðslustelpurnar.  Svo var stemming líka þegar heim var komið.  Það rifjaðist upp fyrir okkur að sr. Pálmi hafði ekki enn hringt og staðfest komu sína, þannig að við hringdum í hann og kom þó ljós að þetta hafði líka lent í skipulaginu og hann ekkert á leiðinni.  Pálmi er nú orðheppinn maður og hann sagði í símann við mig:  "Guði sé lof fyrir að þú hringdir".  Þetta er skemmtilegur frasi og magnað að fá þetta svona beint í æð...  Annars talaði Siggi bróðir um að Pálmi og pizza væru alls ekki svo ólíkt system; sameiningartáknið er sími, maður hringir og pantar, afgreitt innan 20 mínútna og bæði búin korteri síðar.
 En þetta hafðist allt saman og drengurinn var skírður fyrir hádegi eins og áætlað var.  Stuttu síðar voru allir orðnir svangir, en bara einn sem grenjaði yfir því og þar af leiðandi bara einn sem fékk eitthvað almennilegt í munninn.  Hinir þurftu að bíða aðeins lengur og fengur fyrir vikið meira advanced fóður; humarsúpu, snittur og brauðmeti.  Ossa fínt.  Þá voru kaffi og kökur síðar til holufyllingar. 
 Ég verð nú að kalla þeta schnilld að skíra heima og svona snemma dags.  System sem er að gera sig, greinilega.

Myndir

af þrifnaði og öðru ...

Bara nokkrar myndir af JRJL að leika sér og svo líka með ?JL í baði.

Myndir

Jóhanna skírari [drengurinn nefndur]

Nýjasti meðlimurinn hefur fram til þessa verið kallaður "litli brór" af sér eldra og reyndara smáfólki.  Nú er hins vegar búið að finna nafn á snáðann, en áherslan var á að nafnið skyldi vera lýsandi og kjarnyrt.  Hann er núna betur þekktur sem "ælusnáðinn"!  Foreldrarnir hafa tæpa viku til koma með eitthvað betra, en kauði verður skírður fyrir hádegi á laugardaginn.

Í gær var heimsóknartími og gott fólk kom langt að;  Hemmi og Freyja frá Danaveldi, en þeim fannst snáðinn lítlill og sætur.  Þá komu líka Smári, MP og Mist alla leið úr Garðabæ og þeim fannst okkar maður líka lítill.  En honum til varnar þá hefur vöxtur hans í % verið gríðarlegur undanfarið og nánast allt hans líf.  Mjög gaman að fá allt þetta fólk í heimsókn til okkar.

Myndir

Fyrir þá sem ekki vita þá er það heitasta í dag skíði & nudd - og helst í Japan.  Must see:
En falin myndavél frá Japan þar sem koma fyrir skíjó og massagí er gersemi og algjör Schniiild.

Jóhanna komin heim í suddan

Jóhanna kom heim úr norðrinu í gær.  Í dag fengum við verðrið sem átti að vera í helvíti, en ætli Siggi stormur hafi ekki verið að steikja í veðurguðunum eina ferðina enn.  Hvaða rugl er þetta annars með veðrið og dagatalið.  Land ísa er gjörsamlega ófært um þessar mundir, nú er um að gera að vera bara heima og horfa helst ekkert út um gluggana.  Enda er svo miklu betra útsýni hérna inni  ...  Junior er að lagast í húðinni af fyrsta hormónaskeiðinu, en þetta litla grey náði að standsetja svona eins og eina bólu fyrir hvert mannsauga á jarðarkringlunni.  Þetta fjarar vonandi út með fyrstu haust lægðinni....

Rólegt líf

Þetta er frekar róleg vika.  Jóhanna Rakel er í sumarfríi og til að hún fái núi ekki sólsting í glætunni sem var hérna í eitthvað korter um daginn þá "fékk" hún að fara í orlof í Skagafjörð.  En þar rigndi sem er mjög gott fyrir Jóhönnu í aðlöguninni.  Hún er þrælvön rigningu.  Reyndar var nú líka mjög gott veður líka.   En allavega, hún dvelur nú hjá afa og ömmu á króknum og þrífast allir vel.  Þar mætast foringinn af Blásteini og sérkennarinn í skemmtilegri rimmu.  Allir glaðir með það.  Jóhannes litli er hins vegar við sama heygarðshornið.  Hann virðist vera í góðu jafnvægi, allavega ef marka má magn inn og magn út.  Standard equilibrium.  Rauðhærða tröllskessan sem var hér í líki ljósmóður og vildi helst koma á nóttunni, en sætti sig við síðkvöld er hætt að koma.  Það er frétt í sjálfu sér.

Myndir

Sofandi fyrirsæta

Lífið snýst mest um að sofa, sjúga og skíta.  Frekar einfalt system.

 Myndir

Ömmur á ferð og flugi

  Í kvöld kom ljósmóðirin við, hún var á rúntinum um hverfið okkar og nýkomin úr heimsókn frá jafngömlu "litlu barni".  Jóhanna beitir ennþá harðri Saddam-taktík á allt stráka tal, en hefur fallist á að drengurinn heiti "litli bróður minn" eða bara "stelpa".  Annars eiga nú vinkonur hennar á leikskólanum líka litla bræður, þannig að stráksi á enn veika von um viðurkenningu þó síðar verði.  Vonum hans vegna að hann þurfi ekki að bíða eins lengi og hommarnir eftir viðurkenningu "stóra bróður".  
  Svo voru ömmurnar á ferðinni áðan, það var aðdáunarvert.  Reyndar ætti amma Inga að fá bjartsýnisverðlaun fyrir að ætla að kasta sér á beddanum fyrir flug frá KEF í morgunsárið.  Mér skilst að hún þurfi að fara héðan svona um svipað leyti og litli prinsinn hefur svalað grenjuþörf næturinnar, alla vega ef hann hefur sama stíl og síðustu nótt ...  Ég, segi nú bara:  Bon voyage ! 

Myndir